दोहोरी प्रतियोगिता

हामी  नेपाली बिस्वको कुनै भागमा  जाओस , आफ्नो पहिचान पनि पछि लागेको हुन्छ | जहाँ गएपनि हाम्रो परिचय बनाउने तथा गर्न राखने बिभिन्न पक्षहरु छन | कला तथा संस्कृतिको धनि देश नेपाल, ती पक्षहरु मध्ये एक हो भन्नेमा दुइमत छैन |

कला-संस्कृतिको एउटा सानो पक्षको कुरा उठ्छ यहाँ, लोक दोहोरीको ,डांडाकांडा, उकाली ओराली तथा भंज्यांगको चौतारी लगायत बिभिन्न पर्ब, पूजा, आजा, भोजभतेर, मेलापातमा केटा केटी बिचमा आपसी चिनारी सहित, दुःख -सुख , तथा मायाप्रीति साटसाट गरी दुबै तर्फ द्वारा अति मनोरंजनात्मक रुपमा लोक लयमा गाईने गीतलाई दोहोरी गीत भनिन्छ |

चाडपर्ब तथा पूजाआजमा  लगातार दिन-रात भर पनि गाएर हारजितको टुंगो लग्न नसक्ने यस दोहोरी गीत मूलत गण्डकी क्षेत्रमा प्रचलित भए पनि हिजोआज संपूर्ण नेपाल दोहोरीमय भएको छ | डांडाकांडा, भन्ज्यंगबाट ओराली झरेर अहिले बिभिन्न सहरहरुमा दोहोरी रेस्टुरेंटहरुले साथै १९९६ तीर काठमांडू सहरमा पनि दोहोरी रेस्टुरेंट सुरुवात भएपछि सम्पूर्ण दोहोरी प्रेमी आम नेपाली लाई चोखो मनोरंजन  दीइराखेको  छ |

प्राय: २० देखि २५ अक्षरहरुलाइ आकर्षक अर्थपूर्ण तथा च्वास्स  घोच्न पुग्ने तिखो मौलिक  शब्दहरु केही क्षणमै रचि  छन्दमय संरचनामा ढाली लोक  भाकामा संगीत बद्दा बनाई प्रस्नोतर रुपमा गाईन्छ |

जस्तै, केटा पक्षले भन्छ :

रहेछौ नानी रूपकी धनी

कर्के नजर लाई दिउंकी म पनि

अनि केटी पक्षबाट उत्तर आउछ यसरी :

कर्के नजर  लगाउछौ किन

पहिलो भेटमै  म तिमीलाई चिन्दीन

यसै परिप्रेक्षमा, यसपटक ANA Convention को इतिहासमा छुट्टै परिचय दिइ नेपाली लोक संस्कृति संरक्षण गर्ने हेतुले Boston Convention २०१० को मुख्य आकर्षणको पक्ष यस दोहोरी प्रतियोगिताले लिने भएको छ | आशा एबं बिस्वास छ, दोहोरिका  पारखी ,समर्थक , कलाकार तथा श्रोता बर्गले सह्भागिताले Convention अबस्य सफल बनाउनेछ |

If you are interested to take part in the dohori competition or with any questions, please contact us via email:

This e-mail address is being protected from spambots. You need JavaScript enabled to view it

DOHORI SANJH

ORGANIZING COMMITTEE

CULTURAL PACKAGE

बोस्टन  २०१० एएनए कन्भेन्सन

दोहोरी  प्रतियोगिताको  नियमहरु यसप्रकार छन |

१. दोहोरी प्रतियोगित्मामा  सहभागी हुन चाहने समूहले जून १५ २०१० सम्म  दर्ता गराई सक्नु पर्नेछ |

२.  प्रत्येक सहभागी समूहले दर्ता शुल्क बापत डलर १५० बुझाउनु पर्नेछ र यसबाट सहभागी गएक गायीकाको एएनए दर्ता शुल्क स्वत: मिनाह हुनेछ |

३. प्रतियोगी  समूहले दर्ता गर्दा दोहोरी समुहको नाम तथा समुह प्रमुखको नाम उल्लेख गर्नु पर्नेछ |

४.  प्रतियोगिताको समय अबधिको सन्दर्भमा सहभागी समुहको संख्या हेरेर दर्ता भैसके पछि निर्णय गरिनेछ | जुन निर्णय प्रत्येक समूह प्रमुखलाई जानकारी गराइनेछ साथै          सहभागिता समुहको  संख्या हेरेर तीन चरण सम्मको प्रतियोगिता हुनेछ |

५. यस प्रतियोगितामा  लोक सस्कृति तथा दोहोरी बिधामा प्रसिद्दी ब्यक्तित्व तथा कलाकारहरूबाट तीन जना  निर्णयक मंडली हुनेछ | जुन निर्णयक मण्डलीको परिचय कार्यक्रम सुरुहुनु अघि मात्र गरिनेछ |

६ . भाकाहरुको सन्दर्भमा निर्धारित भाकामा प्रतियोगिता सुरुहुनु अघि मात्र निर्णयक मण्डलीले चिठ्ठा प्रथा द्वारा छनौट गरिनेछ सो छनौट भाकामा गाउनु पर्नेछ |

७. संचालक समूहले हाल ५ भाकाहरु छनौट गरिएको छ | प्रत्येक सहभागी समूह सो भाकाहरुमा गाउनु सक्नु पर्नेछ | यद्दपि प्रत्येक सहभागी समूह प्रमुखहरु संग छलफल गरेपछि भाकाहरु थपघट तथा अदलबदल गर्न सकिनेछ | निर्धारित भाकाहरू यसप्रकारका छन |

१.  सुपारी चाम्रो ...............

२ बोस्टन सहरमा........

३ मायालु काँको  मै परे..........

४ झील झील सितारा ............

५ बल्ल पर्यो  निरमाया माकुरी जालैमा .............

८ निर्णयक मण्डलीको निर्णय साथसाथै दर्सकबृंदको  निर्णयलाइ पनि मध्य नजर  राखी हारजितको फैसला गरिनेछ |

९ प्रत्येक गायक गायीकाले निर्णयक मण्डलीको टिप्पणी तथा निर्णयलाइ  ब्याक्तिगत मुद्दा बनाई टिप्पणी गर्न पाइने छैन | सो निर्णयलाइ सम्मान गर्नु पर्नेछ |

१० गीतको सुरुवात समूह प्रमुख द्वारा मात्र हुनेछ र प्रत्येक समूहले सुरुगर्न ३० सेकेण्ड भन्दा ढीला भएमा अंक काटिनेछ |

११ सहभागी समुहहरु मन्चमा स्थान ग्रहण गरिसके पछि आकस्मिक कारन बाहेक कार्यक्रम सकिनु अघिसम्म मन्चबाट बाहिरिन पाउने छैन |

१२ यदि कुनै सामुह प्रतियोगिताको बिचमा  छोड़न पुगे तथा छोड़न चाहेमा प्रतिद्वंदी स्वत: बिजय हुनेछ  |

१३ यदि संगीत  मण्डलीद्वारा संगीत संयोजनमा गड़बड़भै तथा प्रबिधिक कमजोरी द्वारा प्रस्तुतिमा बाधा अड़चन परे पुन सुरु गरिने  छ | यस परिस्थितीमा अंक गणना गरिने छैन |

१४ सहभागी समूहले ध्यान दिनु पर्ने महत्वोपूर्ण  पक्ष; दर्शकबृंदमा उत्तेजना ल्याउने किसिमको अश्लील तथा उछ्रिन्ख्ल शब्दहरु प्रयोग गर्न पाइने छैन| यदि यस्तो परिस्थिति उत्पन्न भएमा निर्णायक मंडलिले प्रतियोगिता स्वत: रद्द गर्न सकिनेछ वा सो समुहलाई प्रतियोगिता बाट बर्खास्त  गर्न सकिनेछ |

१५ भेश्भुशाको संधर्भामा; केटापछ्य्ले नेपाली पोशाक; दौरा-सुरुवाल,कोट,टोपी तथा केतिपछ्य्मा;गुन्यु (फरिया)-चोली अर्थात नेपाली जातीय तथा संस्कृति परिचय दिनु पर्नेछ|